Ciaboga aldizkariaren helburua Kontxako estropadaren historia erakustea da, duela ehun urte gertatutakoa gogoratzea eta adituen eskutik edizio haren xehetasunak ezagutaraztea. Aurten, gainera, aldizkariak diseinu guztiz berritua eta azal berria aurkezten ditu.
Duela ehun urteko estropadetan gertatutakoaren berreskurapen historikoa Euskal Itsas Museoan eta Aquariumean erakusten da gaur egun, Arraun Astea izenburupean garatutako programa anitzarekin: bi erakusketa eta aldizkari baten argitalpena.
Urtea:
2025
Tokia
Donostia
Antolatzaileak:
Aquarium San Sebastián y El Diario Vaco
Ciaboga aldizkariaren helburua Kontxako estropadaren historia erakustea da, duela ehun urte gertatutakoa gogoratzea eta adituen eskutik edizio haren xehetasunak ezagutaraztea. Aurten, gainera, aldizkariak diseinu guztiz berritua eta azal berria aurkezten ditu.
Itsasoan oinarritutako historia eta kultura jasotzen ditu aldizkariak, eta interesa duten herritar guztiei estropadas gerturatzeko tresna bat da. Arraunaren iraganaz eta orainaz gogoeta egiten duten kazetari, historialari eta antropologoen kolaborazioak biltzen ditu, baita estropaden historia oro har eta Kontxarena bereziki adierazten duten iritzi-artikuluak ere.
Estropaden koloreak
Horrelako proiektu batean ezin zen koloreen erreferentzia falta. Ez dago kolorerik gabeko Kontxarik, eta kolore bakoitzaren garrantzia azpimarratzea ezinbestekoa da. Horregatik, Euskal Itsas Museoak “K-TOÑO FRADE: Estropaden koloreak” erakusketa jasoko du 2025eko azaroaren 2ra arte.
Erakusketak 20 ilustrazio original biltzen ditu, Orioko Arraun Elkartekoak eta bere estilo berezia eta begirada kostunbrista islatzen duten bilduma partikularretakoak. Irudi multzo honek arraunaren eta estropaden indarra eta grina erakusten ditu.
Jendearekiko eta familiekiko hurbiltasuna
Kontxako estropadak ekitaldi garrantzitsuak dira Kantauri itsasoko kostaldeko biztanle askorentzat. Arraun-denboraldiko punturik gorenena markatzen duen urteroko lehiaketa. Estropada markatua, lehiakorra eta jai girokoa familia askoren egutegian.
Horregatik, Euskal Itsas Museoak eta Donostiako Aquariumak urteko kultur programazio hau prestatzen dute jarraitzaileei eta familiei zuzenduta. Horrela, erakusketekin eta Ciaboga aldizkariarekin batera doan programazio kulturalaren ardatza publiko espezifiko horri bere interesen araberako eskaintza eskaintzea da.
“Estropadak leihotik” jarduerak aukera ematen du bi igandeetan estropadak leku pribilegiatu batetik bizitzeko: Euskal Itsas Museoko ganbaratik. Bestalde, Aquariumean egiten den “Estropada txikiak” tailer familiarrak Kontxa Banderaren historian zehar bidaia bat eskaintzen du bere kartelen bitartez. Tailerraren helburua familiak beren euskarri grafikoak sortzera animatzea da, kartelista bihurtuz, estropaden diseinu klasikoak berreskuratuz eta gertakizun honen ikuspegi berri bat eskainiz.
