“Añorga. B(as)erria. Pasado. Presente. Futuro” erakusketak hiri inguruko testuinguruetan gainbehera egoeran dauden lurraldeak dinamizatzeko “baserriak” duen potentziala aztertzen du, eta hiri-inguruko espazioen eraldaketari buruz eta euskal baserriak lurraldeen jasangarritasunean eta erresilientzian duen zereginari buruz hausnartzera gonbidatzen du.
Erakusketa Museum Cemento Rezola-n ikusi daiteke, eta museoak 2021ean hasitako “Hiria pentsatzen” proiektuaren eta Mugak, Arkitekturaren Nazioarteko Biurtekoaren, bosgarren edizioaren programazioaren parte da.
Urtea: 2025
2025
Tokia:
Museum Cemento Rezola
Kolaborazioak:
Lurraldeko baserriei lotutako jabeak eta adituak
Irudiak:
Cantabrique
Museoen eta ekipamendu kulturalen kudeaketa
Museum Cemento Rezola
Erakusketak tokiko ondare arkitektoniko moldagarriaren balioa nabarmentzen du, baita baserri tradizionalaren elementu bereizgarriak ere, hala nola autosufizientzia, ingurune naturalaren kudeaketa komunitarioa eta belaunaldien arteko bizikidetza, berrikuntza iturri eta etorkizuneko aukera gisa.
Erakusketaren puntu esanguratsuenak
Erakusketa osatzen duten materialen artean, koloretako harien bidez, Añorgako baserrien gaur egungo egoera hainbat kategoriaren arabera irudikatzen duen “Añorgako baserriak, gaur egungo kartografia” instalazioa nabarmentzen da. Mapa kontzeptuala egungo eta antzinako argazkiekin lotzen duen egitura koloretsua da instalazioa, hiriguneetatik hurbil dauden landa-eremuen etorkizuna erakusten duena, kasu honetan Añorgakoa.
Argazkiei dagokionez, B(as)erria. Pasado. Presente. erakusketaren hasieran ikus daitezkeen argazki historikoak Gipuzkoako Artxiboaren eta Gorgaren (Añorgako Historia Mintegia) ekarpena dira, eta baserriaren inguruko gaien testuingurua osatzen duten testu eta aipuekin batera ikusi daitezke.
Baserriaren iraganari, orainari eta etorkizunari buruzko inguruko ahots hurbilak eta adituen ahorak biltzen dituzten ikus-entzunezkoei bideratutako bi espazio ere badaude: “Añorgako baserriak. Ahotsak. Voces” eta “B(a)serria. Etorkizunerako agertokia. Escenario de futuro”.
Erakusketaren ibilbidearen amaieran dagoen puntu interaktibo batek bisitariak baserriaren etorkizunari buruzko hausnarketan parte hartzera gonbidatzen ditu: pixkanaka beltzez tindatzen den arbel zuri bat, erakusketak eta erakusketak jasotzen duen gaiak bisitari bakoitzarengan sortzen dituen sentimenduak biltzen dituena.
Bi komisario eta kolaboratzaile sare bat
Alba Zamarbide Urdaniz, ondarearen zaharberritzean aditua den arkitektoa, eta María Ruiz de Gopegui Aramburu, arkitektoa eta Ingurumen Zientzia eta Teknologian doktorea dira Erakusketaren komisarioak.
Lurraldeko baserriei lotutako jabeen eta adituen laguntza ere jaso da erakusketa osatzeko, besteak beste, Antton Olaizaola, Juan Luis Celaya, María Luisa Arzallus Mitxelena eta José Mari Larzabal Arzallus, Pili Arandia, Diego Sologuren, Hadrien Rozie, Iker Ordoño Daubagna, Rubén Méndez Cebrián eta Ugaitz Gaztelu.
